記得睇過一個故事，話曾經有人做過實驗，將一隻最猛既鯊魚同一班熱帶魚放入同一個池入面，之後用強化玻璃隔住。

  最初，鯊魚每日不斷咁撞果一塊睇唔到既玻璃，但無論點撞都無用，鯊魚始終過唔到對面食熱帶魚。

  但實驗人員每日都會有放魚仔去池入面俾鯊魚食，所以鯊魚都無缺少食物。只不過鯊魚仍然想過對面食晒班熱帶魚，所以鯊魚堅持日日都撞果一塊玻璃。

  鯊魚試左每一個角落，每一次都用盡力，但係每一次都撞到傷痕累累，有幾次仲撞到流血。持續左一段時間，每當玻璃一出裂痕，實驗人員即刻會加上一塊更厚既玻璃。

  後黎，鯊魚唔再撞果一塊玻璃，對果班熱帶魚亦都唔再在意，就好似當佢地牆上會行會走既畫。鯊魚每日只會等固定出現既魚仔，然後用佢敏捷既本能進行狩獵，好似返到海入面做佢既海中霸王。

  但一切只不過係假像，實驗到左最後階段，實驗人員將玻璃拎走，但鯊魚就無反應，每日都固定在自已既區域遊走，鯊魚唔單止對玩熱帶魚視若無睹，就算當魚仔走到去另一面，鯊魚就會立即放棄追逐，點都唔肯過去。

  實驗結束，實驗人員就笑鯊魚係海入面最懦弱既魚。

  但係失戀過既人都好清楚點解鯊魚唔過去，因為鯊魚怕痛...

 恨與愛之間既距離，本來僅相隔一線，愛得越深，恨就更強烈。